Transcription
1
Monsieur, je receuz hier votre lettre du XXVe, à laquelle il n’échée vous dire autre chose
2
sinon vous remercier des novelles que m’avez departies par icelle ; et qu’entendant quelque
3
chose des menées et praticques de ces huguenotz, je ne fauldray de vous en donner
4
soubdain advis, comme au semblable je vous prie de faire de votre part. De ce cousté,
5
nous avons novelles qu’au port de Vayo sont desembarquez environ cinq mil Allemans
6
qu’on met en ces frontieres ; et estoit chose resolue dès lors que le duc passe par de
7
Sesse passa par Gennes en intention de venir à rupture, ce qui asseurement fust
8
advenu sans la mort de l’admiral et ses adherens, qui a esté occasion de divertir tous
9
ces desseings. A present, nous attendrons à veoir ce qui surviendra, et pour ce que je ne
10
veulx retarder le partement de ceste depesche, je remettray à une autre fois
11
à vous envoyer ung chiffre, vous priant de commander, s’il vous plaist, que
12
mon pacquet soit couru en toutte diligence ; et me recommandant sur ce à votre bonne
13
grace, je prie le Createur qu’il vous doint,
14
Monsieur, en santé bonne, longue et contente vie. De Saluces, le premier
15
jour d’octobre 1572.
16
Votre plus affectionné à vous faire service.
17
Lodovico Birago